ဂ၀ံမျက်နှာဖုံး (ဒုတိယပိုင်း - ဇာတ်သိမ်း)
"ဟာ …ဒီည ကိုကြီးတာတေ ကင်းလှည့်ဟုတ်လား
ဒါဆိုရင် ကျုပ်လာခဲ့မယ် ကိုကြီးတာတေနဲ့
တစ်ညလုံးနေမယ်"
"ဟ … ကျောက်ခဲရ ။ မင်းအိမ်က လူကြီးတွေ
စိတ်ပူမှာပေါ့။ ခဏတဖြုတ်ပဲ နေပြီးတော့ ပြန်ပါကွာ"
"ကိုကြီးတာတေက ဘယ်သူနဲ့ ကင်းတွဲတုံး"
"ကိုအောင်သစ်နဲ့ ငါနဲ့ကွ"
(ကိုအောင်သစ်ဆိုတာ 'ကိုယ်တွေ့မဖဲဝါ 'စာအုပ်မှာပါတဲ့
ဖဲသမား ကိုအောင်ချစ်ရဲ့ ညီလေဗျာ)
"ရပါတယ်ဗျာ။ ကျုပ် အိမ်ကို အကျိုးအကြောင်းပြောပြီး
လာခဲ့မယ် ။ ကိုကြီးတာတေနဲ့ ဆိုရင် ကျုပ်အိမ်က
စိတ်ချပြီးသားပါဗျာ"
ကျောက်ခဲတို့ကတော့ ပြောတဲ့အတိုင်းပဲဗျို့။
ကျုပ် ကင်းတဲရောက်ပြီး ခဏကြာတော့ ရောက်လာတာပဲဗျ။
ကိုအောင်သစ်ကြီးလည်း ရောက်လာတယ်။
"တာတေရေ တို့ရွာထဲမှာလည်း အထူးအဆန်းတွေချည်း
ဖြစ်နေတော့တာပဲကွာ။ငါက သရဲကြောက်တတ်တယ်ကွ။
မင်းနဲ့ ကင်းတွဲမို့သာ မင်းကို အားကိုးပြီး လာရတာ။
စိတ်ထဲကတော့ ခပ်ကြောက်ကြောက်ပဲကွ"
ကိုအောင်သစ်က သရဲကြောက်တယ်ဆိုတာ ဟုတ်မယ်ဗျ။
ကင်းတဲရောက်ကတည်းက ကုပ်ကုပ်ကလေးထိုင်နေတာ
လှုပ်တောင် မလှုပ်ဘူး။ ကျုပ်နဲ့ ကျောက်ခဲကတော့
ဓါတ်မီးနဲ့ ဟိုထိုး ဒီထိုး လုပ်နေကြတာ ။ သူကတော့
ငြိမ်ပြီး သမ္ဗုဒ္ဓေကို မနားတမ်း ရွတ်နေတော့တာပဲဗျာ။
ဗဟိုကင်းက နာရီသံချောင်းခေါက်တယ်။
ညဆယ်နှစ်နာရီ။ ဗဟိုကင်းက နာရီခေါက်ရင်
ကျန်တဲ့ကင်းတွေကလည်း ခေါက်ရတာပေါ့ဗျာ။
ကျောက်ခဲ ခေါက်တယ်ဗျ။ဆယ်နှစ်ချက်။
"ဟီး ဟီး ဟီး ဟီး ဟီး ဟီး"
"ဟော ရယ်သံကြားတယ် ကိုကြီးတာတေ"
"အေး…ငါကြားတယ် ကျောက်ခဲ။ဓါတ်မီး ငါ့ကို ပေးစမ်း"
"တာတေ ဓါတ်မီးနဲ့ ထိုးမလို့လား။ ဖြစ်ပါ့မလားကွ"
"ဘာဖြစ်လို့တုံး ကိုအောင်သစ်ရဲ့"
"ဟာ မတော်တရော် မျက်နှာကြီးတွေ တွေ့လို့
လန့်ပြုနေပါဦးမယ်ကွာ"
"ကိုအောင်သစ် ကြောက်ရင် မျက်စိမှိတ်ထား။
ဖွင့်မကြည့်နဲ့"
ကျုပ်က ပြောပြောဆိုဆိုနဲ့ အသံကြားတဲ့ဘက်ကို
ဓါတ်မီးနဲ့ ထိုးကြည့်လိုက်တယ်။
"ဟာ "
ကျောက်ခဲပါးစပ်က လန့်ပြီး ထွက်သွားတာဗျ။
ကျုပ်တို့ ကင်းတဲနဲ့ ပေနှစ်ဆယ်လောက်မှာ ရပ်နေတာဗျို့။
အောင်ဘုတို့ ပြောတဲ့အတိုင်းပဲဗျ။ဆံပင်အရှည်ကြီးက
ပခုံးပေါ်ကနေ ကျနေတာ ဒူးခေါင်းကျော်ကျော်လောက်
ရောက်တယ်။ မျက်နှာကို လက်ဝါးနှစ်ဖက်နဲ့ အုပ်ထားတာဗျ။
အသားတွေက ဖွေးပြီးဝင်းနေတာဗျို့။
အောင်ဘုပြောတာ အမှန်ပဲဗျ။ကိုယ်လုံးကိုယ်ပေါက်က
ပန်းပုရုပ်တစ်ရုပ်လိုကို လှနေတာဗျ။
"ဟီး ဟီး ဟီး ဟီး ဟီး ဟီး"
"အစ်ကို နန်းမှုံလေ အစ်ကို။
အစ်ကို နန်းမှုံကို ချစ်သေးရဲ့လား"
"ဟင်" "အို"
"ဟင်"ဆိုတာ ကျုပ်ပါးစပ်က ယောင်ပြီး ထွက်သွားတာဗျ။
"အို"ဆိုတာ ကျောက်ခဲပါးစပ်က ထွက်တဲ့အသံ။
ပြောရင်းနဲ့ ဆံပင်ဖားလျားချထားတဲ့ မိန်းမက မျက်နှာမှာ
အုပ်ထားတဲ့ လက်ဝါးတွေကို ဖယ်လိုက်တယ်။
တော်တော်ကိုချောတဲ့ မိန်းမပဲဗျာ။
"ဟေ့ကောင်တွေ ဘာဖြစ်နေကြတာတုံး"
ကိုအောင်သစ်က မျက်စိကြီး မှိတ်ပြီး မေးနေတာဗျ။
"ဟာ ကိုအောင်သစ် ကြည့်ကြည့်ဗျ။
ကြောက်စရာ မဟုတ်ဘူး။ တော်တော်ကိုလှတဲ့
မိန်းမဗျ"
"ဟေ"
ကျုပ်စကားကို ကြားတော့ ကိုအောင်သစ်က
ပိတ်ထားတဲ့ မျက်စိတွေကို ဖွင့်ပြီး လှမ်းကြည့်တယ်ဗျ။
"ဟေ လှလိုက်တာကွာ တာတေရာ။
ဒါ လူတော့ မဟုတ်ဘူးထင်တယ်။
ဥစ္စာစောင့်တွေ ဘာတွေ ဖြစ်မယ်ကွ တာတေ"
"ကဲ ကျောက်ခဲ မင်း ကိုအောင်သစ်နဲ့ နေခဲ့။
ငါ ဆင်းပြီး စကားပြောကြည့်မယ်"
"ဟာ တာတေ မလုပ်နဲ့ မလုပ်နဲ့
ဘာမှန်းသိတာ မဟုတ်ဘူး"
ကိုအောင်သစ်က ကျုပ်ကို တားတယ်။
"မပူနဲ့ ကိုအောင်သစ်။ ကျုပ်လွတ်အိတ်ထဲမှာ
ဆေးဝါးအစုံပါတယ်"
ကျုပ်က ဆေးလွယ်အိတ်ကို စလွယ်သိုင်းပြီး
ကင်းတဲပေါ်ကနေ ဆင်းလိုက်တယ်။ ကျောက်ခဲကတော့
ကျုပ်အကြောင်းကို သိပြီးသားလေဗျာ။
ကျုပ်က သွားမယ်ဆိုရင် တားလို့ရတဲ့သူ
မဟုတ်ဘူးဆိုတာ ကျောက်ခဲ သိတာပေါ့ဗျာ။
ဒါကြောင့် ဒီကောင်က ဘာမှမပြောဘူးဗျ။
ဆံပင်ဖားလျားမိန်းမကိုတော့ ဓါတ်မီးနဲ့
ထိုးထားတယ်။ကျုပ်က သူ့ဘက်ကို
လျှောက်လာတော့ သူပြုံးပြီး ကြည့်နေတယ်။
"အစ်ကို အစ်ကို နန်းမှုံဆီကို လာပြီလား"
ကျုပ်ကလည်း အလိုက်သင့်ပေါ့ဗျာ။
ခေါင်းညိတ်ပြလိုက်တယ်။ဖားလျားမက
ကျုပ်ကို ရွှန်းရွှန်းစားစားကြီး ပြုံးပြီးကြည့်နေတာဗျ။
ကျုပ်က ရှေ့ဆက်မတိုးဘဲ ရပ်နေတယ်။
"ခင်ဗျား ဘယ်သူတုံး"
"နန်းမှုံလေ အစ်ကိုရယ်"
သူ့ကိုကြည့်ရတာ အရူးနဲ့လည်း မတူဘူးဗျ။
ဆံပင်အောက်က လှစ်ကနဲ
ပေါ်လာတဲ့ သူ့ရဲ့ရင်သားတွေကို
လက်နှစ်ဖက်နဲ့ အုပ်ထားတယ်။ ကျုပ်က
ရှေ့ကို ဆက်တိုးသွားလိုက်တယ်။
သူနဲ့ ကျုပ်နဲ့ ငါးပေလောက်အကွာကို
ရောက်တော့ သူ နောက်ကို ဆတ်ကနဲ ဆုတ်သွားတယ်
ပြီးတော့ မျက်နှာပျက်သွားတယ်ဗျ။
ကျုပ်ကိုလည်း ခြေဆုံး ခေါင်းဆုံး ကြည့်နေတယ်။
"အစ်ကို နင် ရှေ့ထပ်မတိုးနဲ့ ငါ အရမ်းပူတယ်"
ကျုပ် သူ ပြောတာကို အံ့သြသွားတယ်။
ဒါနဲ့ အကြောင်းသိအောင်ဆိုပြီးတော့ ရှေ့ကို
ခြေတစ်လှမ်းချင်း လှမ်းပြီး တိုးဝင်လိုက်တယ်။
ဟာ ပြေးပြီဗျို့။ပြေးပြီ။ ဟော ပျောက်သွားပြီဗျာ။
ကျုပ် လက်ထဲက ဓါတ်မီးနဲ့ ထိုးပြီး လိုက်ရှာတယ်။
မတွေ့တော့ဘူးဗျ။ ထွာဆိုင်လောက်ပဲ လုံးပတ်ရှိတဲ့
ဧကရာဇ်ပင် ကွယ်လိုက်တာနဲ့ကို ပျောက်သွားတာဗျ။
ကျောက်ခဲကလည်း ကင်းတဲပေါ်ကနေ ဓါတ်မီးကို
မပြတ်ထိုးပေးထားတာဗျ။အဲဒီလင်းလင်းကြီးထဲမှာကို
ပျောက်သွားတာ။ ကျုပ်လည်း ကင်းတဲပေါ်ကို
ပြန်တက်ခဲ့တယ်။
"ပျောက်ကိုသွားတာကွ တာတေရ။
ငါလည်း ကြည့်နေတာ"
ကိုအောင်သစ်က ကျုပ်ကို ဆီးပြောတယ်။
"ကိုကြီးတာတေ ဒါ လူတော့ မဟုတ်ဘူးဗျ"
ကျောက်ခဲကလည်း သူ့အထင်ကို ပြောတယ်။
ကျုပ်ကတော့ ဘာမှပြန်မပြောသေးဘဲ နဂါးဆေးလိပ်တိုကို
မီးညှိလိုက်တယ်။ ဆေးလိပ်တိုကိုဖွာရင်း စဉ်းစားတယ်။
"မင်းပြောသလိုပဲ ကျောက်ခဲ။ ဒါ လူမဟုတ်တာတော့
သေချာတယ်ကွ။ ဒါပေမယ့် ဒါ ဘာလဲဆိုတာကို
ငါမတွေးတတ်အောင် ဖြစ်နေတာကွ"
"တာတေရာ မင်းကလည်း လူမဟုတ်ရင် တစ္ဆေပေါ့ကွ"
"တစ္ဆေတော့ မဟုတ်ဘူး ကိုကြီးအောင်သစ်ရဲ့ "
"ဒါဆိုရင် ငါပြောသလို ဥစ္စာစောင့်ဖြစ်မယ်ထင်တယ် တာတေရ"
"အင်း…ဟုတ်ချင်တော့ ဟုတ်မှာပေါ့ဗျာ။
ဒါပေမဲ့ ထူးဆန်းတာက ကျုပ်အနားကပ်သွားတာကို
ပူတယ်လို့ ပြောတယ်ဗျ။ ကျုပ်က အကြောင်းသိချင်တာနဲ့
အနားကို ဆက်တိုးသွားတော့ သူ မခံနိုင်ဘူးဗျ။
မျက်စိမျက်နှာပျက်ပြီး ထွက်ပြေးသွားတယ်။
ဥစ္စာစောင့်လည်း မဟုတ်နိုင်ဘူးဗျ"
"ဟေ ဘာကြောင့်တုံးကွ တာတေရ"
ကိုအောင်သစ်က ကျုပ်ပြောတာကို အံ့သြပြီး
ကျုပ်ကို ပြန်မေးတာဗျ။
"ဥစ္စာစောင့်တွေက ဒီလိုကိုယ်လုံးတီး ဘယ်တော့မှ မရှိဘူးဗျ။
အင်မတန်မှ လှပပြီး နန်းဆန်တဲ့ပုံမျိုးနဲ့ နေကြတာ
သူတို့မှာ သိုက်ချုပ်တို့ ဘာတို့ အုပ်ချုပ်တဲ့သူတွေ
ရှိနေကြတာဗျ။အခုလို ပုံစံမျိုးနဲ့ အချိန်မဲ့အခါမဲ့
လျှောက်သွားလို့ မရဘူးဗျ"
"ဟေ …ဟုတ်လား ဒါဆိုရင် ဒါ ဘာဖြစ်နိုင်တုံး"
ကျုပ်လည်း အဲဒါကို စဉ်းစာနေတာဗျ။
ကျုပ်က ပြောရင်း နဂါးဆေးပေ့ါလိပ်ကလေးကို
ဖွာနေလိုက်တယ်။ မိုးလင်းတဲ့ အထိတော့
နောက်ထပ် ဘာမှမဖြစ်တော့ဘူးဗျ။
ညက တစ်ညလုံး ကင်းစောင့်ထားရတာဆိုတော့
ကျုပ်လည်း နေ့ခင်းဘက် ပြန်အိပ်လိုက်တယ်။
မအိပ်ခင် စိတ်ထဲမှာတော့ မဖဲဝါကို သတိရတာပေါ့ဗျာ။
မဖဲဝါရဲ့ ကိုယ်ခွဲရုပ်ကလေးကို ကိုင်ရင်း
ကျုပ် အိပ်ပျော်သွားတာဗျ။
လေတွေ တဝေါဝေါတိုက်နေတာဗျ။
ကျုပ်ရှေ့မှာ ဆယ့်နှစ်ရာသီအဝါပင်ကြီးက
လေတိုက်ထဲမှာ ငြိမ်လို့ဗျ။ လေတွေ ဒီလောက်တိုက်လို့
ဘေးကသစ်ပင်တွေ တဝေါဝေါမြည်ပြီး ယိမ်းထိုးနေပေမယ့်
ဆယ့်နှစ်ရာသီပင်ကြီးကတော့ တစ်ပင်လုံး ပန်းတွေ
ဝါထိန်အောင် ပွင့်နေလိုက်တာဗျာ။
နည်းနည်းလေးတောင် မလှုပ်ဘူးဗျ။
အရွက်တစ်ရွက် ပန်းတစ်ပွင့်တောင် မလှုပ်ဘူး။
ဆယ့်နှစ်ရာသီပင်အောက်မှာ ရပ်နေတာ ကျုပ်နဲ့ရွယ်တူ
ကောင်မလေးဗျ။ဆံပင်ရှည်လေး ဖားလျားချလို့။
သူ့နားရွက်အပေါ်မှာ ဆယ့်နှစ်ရာသီပန်းအဝါလေးတစ်ပွင့်
ပန်ထားတယ်။ လေတိုက်တာ ကျုပ်ပုဆိုးအင်္ကျီတွေက
တဖျတ်ဖျတ် လွင့်နေတာ။အဲဒီကောင်မလေး
မလှုပ်ဘူးဗျ။မဖဲဝါလေဗျာ။
သူနဂိုရုပ်ကို ကျုပ်ကြောက်မှာ စိုးလို့
အခုလို ပုံစံနဲ့ ကျုပ်ကို အိပ်မက်ပေးလေ့ရှိတာဗျ။
"တာတေ နင် ညကတွေ့တာ အရူးလည်း မဟုတ်ဘူး
တစ္ဆေလည်း မဟုတ်ဘူး။ ဥစ္စာစောင့်လည်း မဟုတ်ဘူး
အဲဒါ အရုပ်ဟဲ့။ ဂဝံမျက်နှာဖုံးအရုပ်လို့ခေါ်တယ်။
ဂဝံနှစ်မျိုးရှိတယ်။ ဂဝံသားပိုက်ရုပ်နဲ့
ဂဝံမျက်နှာဖုံးတဲ့။ အရုပ်စထုကတည်းက
ညစ်ညစ်ညမ်းညမ်း ယုတ်ယုတ်မာမာ ဂါထာတွေ
မန္တန်တွေရွတ်ပြီး ထုရတယ်။ အရုပ်အချောကိုင်တဲ့အထိ
အဲဒီမန္တန်တွေ ရွတ်တာ။
အောက်လမ်းအရင့်အမာကြီးတွေမှ လုပ်နိုင်တာ။
အရုပ်ပြီးရင် နတ်ရဲညောင်ပင်အောက်မှာ ပုခတ်ကလေးလုပ်ပြီး
ပန်းခုနှစ်မျိုးထည့်ရတယ်။ ပြီးရင် အရုပ်ကို
ပုခက်ထဲမှာထည့်ပြီး အေးရင့်ကြူးပြီး
အသက်သွင်းဂါထာမန္တန်တွေ ရွတ်ရတယ်။
အောင်ပြီဆိုရင်တော့ ပီယဘက်မှာ
ပြိုင်စံရှားပဲဟဲ့ တာတေရဲ့
အခု နင်တို့ရွာကို ရောက်နေတဲ့ ဂဝံမက ဂဝံမျက်နှာဖုံး။
မိန်းမတစ်ယောက် ကိုယ်လုံးတီးနဲ့
ဆောင့်ကြောင့်ထိုင်ပြီး မျက်နှာကို
လက်ဝါးနှစ်ဖက်နဲ့ အုပ်ထားတဲ့ပုံဟဲ့
ဂဝံသားပိုက်ဆိုတာကလေးကို ပွေ့ထားတဲ့
ကိုယ်လုံးတီးမိန်းမပုံ"
"ဒါဆိုရင် ကျုပ် ဘာလုပ်ရမှာတုံး မဖဲဝါ"
"ဟဲ့ တာတေ နင့်မှာ ဆရာကြီးတွေ ပေးထားတဲ့
ဆေးကျော့ကွင်း ရှိတယ်လေ။ အဲဒါနဲ့ ပစ်ဖမ်းပေါ့။
အရုပ်ပြန်ဖြစ်သွားတော့မှ ကဝေသက်ဖြတ်အင်းချရင်
ရွတ်တဲ့ဂါထာ ခုနှစ်အုပ်ရွတ်ပြီး အသက်နှုတ်လိုက်တော့"
"အသက်နှုတ်ပြီးရင် ဘာလုပ်ရဦးမှာတုံးဗျ"
"အေး …ဒီအရုပ်ဟာ သေသွားတဲ့ အောက်လမ်းဆရာ
တစ်ယောက်ရဲ့ ကျန်ရစ်ခဲ့တဲ့ အရုပ်ပဲ။ အဲဒီအကောင်က
သေသွားတော့ အသက်ပြန်မနှုတ်ခဲ့နိုင်ဘူးလေ။
နင်က အသက်နှုတ်ပြီးရင် အဲဒီအရုပ်ကို
မီးရှို့ပစ်လိုက်တော့ တာတေ"
"ကောင်းပါပြီ မဖဲဝါ "
"ဟဲ့ …တာတေ ထတော့လေ ။ ညနေတောင်
စောင်းနေပြီဟဲ့"
အမေ့အသံကြားတော့မှ ကျုပ်လန့်နိုးလာတာဗျ။
ကျုပ်လည်း ကပျာကယာထပြီး ရေချိုးလိုက်တယ်။
ညစာကို စောစောပဲ စားထားလိုက်တယ်။
ညမိုးချုပ်တာနဲ့ ကျောက်ခဲ ရောက်လာတယ်ဗျ။
"ဟေ့ကောင် ကျောက်ခဲ။ ထမင်းစားပြီးပြီလား။
မစားရသေးရင် စားလေကွာ"
"စားပြီးပါပြီဗျ။ ဒီညတော့ ကိုကြီးတာတေ
အလုပ်လုပ်တော့မယ်ဆိုတာ သိလို့ လာခဲ့တာဗျ"
"ဟာ ဒီကောင် အန္တရာယ်ရှိလား ဘာလား မသိဘဲ
လာရသလား"
"ဟား ဟား ဟား ဟား ကိုကြီးတာတေရာ
ကျောက်ခဲက ကိုကြီးတာတေနဲ့ တွဲလာတာ
ကြာပါပြီဗျာ"
ဒီကောင်က ကျုပ်လိုကောင်ဆိုတာ ကျုပ်သိပြီးသားဗျ။
ပြန်လွှတ်လို့လည်း ပြန်မှာမဟုတ်ဘူး။ ညဆယ်နာရီမှာ
ကျုပ်နဲ့ ကျောက်ခဲနဲ့ ကျုပ်တို့ ရွာလယ်ကင်းကို
ထွက်လာခဲ့တယ်။ ဒီည ကင်းကျတာက
တင်မြင့်နဲ့ မိုးဦးဆိုတဲ့ကောင်ဗျ။ ဒီကောင်တွေလည်း
ကျုပ်နဲ့ ရွယ်တူ သူငယ်ချင်းတွေပဲလေဗျာ။
"တာတေရာ မင်းလာတာ အားရှိလိုက်တာကွာ
ဟောဒီကောင် တင်မြင့်က သရဲကြောက်တတ်တယ်ကွ"
"အောင်မာ မင်းကရော မကြောက်လို့လား မိုးဦးရ"
"အေး ငါက ဒီကောင်ထက် နှစ်ဆလောက် ပိုကြောက်တယ်ကွ
ဟား ဟား ဟား ဟား"
မိုးဦးက အားကြီးရယ်စရာပြောတဲ့ကောင်ဗျ။
"ဘာမှမကြောက်နဲ့ မိုးဦး။ ဒီည အဲဒီဆံပင်ရှည်မ
လာပါစေလို့ပဲ ငါက ဆုတောင်းနေတာကွ"
ကျုပ်က ပြောလိုက်တော့ တင်မြင့်က ပြန်ပြောတယ်။
"တာတေရော ငါတို့က ကြောက်ပါတယ်ဆိုမှ
မင်းက လာပါစေ ဆုတောင်းနေရသလားကွ"
တစ်ယောက်တစ်ပေါက်နဲ့ စရင်းနောက်ရင်း
ရယ်ကြမောကြနဲ့ ဒီကောင်တွေလည်း
သိပ်မကြောက်တော့ဘူးဗျ။တင်မြင့်က
ဗဟိုကင်းက ဆယ့်နာရီခေါက်သံကြားတော့
သူလည်း သံချောင်း ထခေါက်တယ်။
ကျုပ်တို့တွေ ငယ်ငယ်က ဆော့ကြ
ကစားကြတာတွေ ပြန်ပြောပြီး ရယ်နေကြတာဗျ။
"ဟီ ဟီ ဟီ ဟီ"
"ဖျန်း"
"ဘာလဲကွ ဘာလို့ ငါ့ကို ထရိုက်တာတုံး"
မိုးဦးက တင်မြင့်ကို ပြူးပြူးပြဲပြဲနဲ့ မေးတာဗျို့။
"မင်းရယ်တာက ကောင်းကောင်းမှ မရယ်တာ
ဟီ ဟီ ဟီ ဟီနဲ့ ဘယ်လိုလုပ် ရယ်နေတာတုံး"
"ဟကောင် တင်မြင့် ။ ငါမှ မရယ်တာ"
ဒီတော့မှ ကျုပ်နဲ့ ကျောက်ခဲက သဘောပေါက်ပြီး
ရယ်ရတော့တာပေါ့ဗျာ။
"ဟေ့ကောင်တွေ အောက်မှာရောက်နေပြီ။
တိတ်တိတ်နေ"
"ဟေ…ရောက်နေပြီ ဟုတ်လား တာတေ ဘာ
ဘာရောက်တာတုံး သရဲမလား"
"ရှူး တိုးတိုးပြောကွ သရဲမ မဟုတ်ဘူး မင်းတို့
မယုံရင် ကြည့်ကြ ။ ကျောက်ခဲက မီးထိုးပြလိမ့်မယ်
နတ်မိမယ်လေးကွ"
"ဟာ မကြည့်ရဲပါဘူးကွာ ။ တော်တော်ကြာ
လျှာကြီးတစ်တောင်လောက် ထုတ်ပြလိုက်မှ
ဒီနေရာတင် ငါအသက်ထွက်သွားလိမ့်မယ်"
"ဟာ ဒီကောင်တွေ တကယ်လှလို့ ကြည့်ခိုင်းတာကွ
ကဲ ကြည့်ကြ ကြည့်ကြ"
ဒီတော့မှ ဒီကောင်နှစ်ကောင် ထကြည့်တာဗျ။
ကျောက်ခဲက ငါးထောင့်ထိုးဓါတ်မီးနဲ့ ထိုးထားတယ်။
နတ်မိမယ် ယမင်းပျိုလေးက ဧကရာဇ်ပင်အောက်မှာ
ပြုံးပြုံးလေးရပ်နေတယ်။မျက်နှာကိုတောင်
အုပ်မထားတော့ဘူးဗျ။
"ကျောက်ခဲ မီးကို မပြတ်ထိုးတာ ငါ သွားတော့မယ်"
"ဟုတ်ကဲ့ ကိုကြီးတာတေ သတိတော့ထားနော်"
ကျုပ် လှေကားကနေ ဆင်းလာခဲ့တယ်။
အဆင်သင့် ထုတ်ထားတဲ့ ဆေးကျော့ကွင်းကို
အိမ်မှာကတည်းက ဂါထာရွတ်ပြီး နှိုးထားပြီးသားဗျ။
ဒီတစ်ခါတော့ ကျုပ် အနားရောက်အောင်
ကပ်လို့မဖြစ်ဘူး။ ပူတယ်ဆိုပြီး ထွက်ပြေးသွားဦးမယ်။
"ဟီ ဟီ ဟီ ဟီ ဟိ"
"အစ်ကို နန်းမှုံဆီ လာတာလား "
ဂဝံမကို ခုမှ ကျုပ်သတိထားမိတယ်ဗျ။ ဒီစကားတစ်မျိုးပဲ
ပြောတတ်တယ်။ ဒါဟာ အရုပ်ကို ပူးကပ်နေတဲ့ ဝိဥာဉ်က
ပြောတဲ့စကားပဲဗျ။ ဒီဝိဥာဉ်ကလည်း နန်းမှုံဆိုတာတစ်ခုကိုပဲ
သတိရပုံဗျ။ တခြား ဘာကိုမှ သိပုံမပေါ်ဘူး။
ကျုပ်က ရှေ့ကို တိုးနိုင်သလောက် တိုးသွားတယ်။
တော်တော်လေး နီးသွားတော့ ဂဝံမက နောက်ကို
ခြေတစ်လှမ်းဆုတ်လိုက်တယ်။ ကျုပ်သိပြီ။
ဂဝံမ ပြေးတော့မှာဗျ။ ပြေးဖို့ပြင်တာဗျို့။
ကျုပ်လက်ထဲက ဆေးကျော့ကွင်းနဲ့ ဖျတ်ကနဲ
လှမ်းပစ်လိုက်တယ်။
ဟာ စွမ်းလိုက်တဲ့ ဆေးကျော့ကွင်းဗျာ။
ကြိုးဖြူဖြူလေးက လေထဲမှာ တန်းကနဲ
ပျံသွားပြီ ဂဝံမကို အလိုလျောက်ရစ်တော့တာဗျို့။
တစ်ပတ် နှစ်ပတ် သုံးပတ် လေးပတ် ပြီးတော့
နောက်ထပ်တစ်ပတ်။ နောက်ထပ် နောက်ထပ်။
ဟော ဂဝံမ ဆောင့်ကြောင့်ထိုင်ချပြီး မျက်နှာကို
လက်ဝါးနှစ်ဖက်နဲ့ အုပ်ထားလိုက်တယ်ဗျ။
ဟော ပျောက်သွားပြီ။ ပျောက်သွားပြီ။
ဟာ စောစောက ဂဝံမ ဆောင့်ကြောင့်ထိုင်ချလိုက်တဲ့နေရာမှ
အရုပ်ကလေးဗျ။ ကျုပ် ချက်ချင်း ကောက်ယူလိုက်တယ်။
ဆေးကျော့ကွင်း အထပ်ထပ်ရစ်ထားတဲ့ အရုပ်ကလေးဗျ။
ဆံပင်ဖားလျားနဲ့ ဆောင့်ကြောင့်ထိုင်ပြီး
မျက်နှာကို လက်ဝါးနှစ်ဖက်နဲ့ အုပ်ထားတဲ့ပုံဗျ။
ကိုယ်လုံးတီးပုံပဲ။ ကျုပ်က အရုပ်ကို လက်ထဲမှာဆုပ်ပြီး
ကဝေသက်ဖြတ် အင်းချတဲ့အခါမှ
ရွတ်ရတဲ့ ဂါထာကို ကျုပ် ခုနှစ်အုပ်တိတိ ရွတ်လိုက်တယ်။
မဖဲဝါ ပြောတဲ့အတိုင်းပေါ့ဗျာ။
သွားပြီ ။ အသက်နှုတ်ပစ်လိုက်ပြီ။
အောက်လမ်းဆရာ ကျန်ခဲ့တဲ့ ဂဝံမျက်နှာဖုံးရုပ်ကတော့
သာမန်သစ်သားရုပ်တစ်ရုပ် ဖြစ်သွားပြီပေါ့ဗျာ။
ကျုပ်ရဲ့ ဆေးကျော့ကွင်းကို ဖြည်ယူလိုက်တယ်။
ကင်းတဲပေါ်ရောက်တော့ အရုပ်ကလေးကို
ကျောက်ခဲလက်ထဲ ထည့်ပေးလိုက်တယ်။
"ဟင် အရုပ်ကလေးပဲဗျ ။ ကိုကြီးတာတေရဲ့"
"ဟုတ်တယ်ကွ ကျောက်ခဲရဲ့။အရူးမလည်း မဟုတ်ဘူး။
တစ္ဆေမလည်း မဟုတ်ဘူး။ ဥစ္စာစောင့်လည်း မဟုတ်ဘူးကွ။
အရုပ်ကလေးတစ်ရုပ်ကို အင်မတန်စွမ်းတဲ့ အောက်လမ်းဆရာ
တစ်ယောက်က အသက်သွင်းပြီ အသုံးချတာကွ။
အဲဒီအောက်လမ်းဆရာ ရုတ်တရက် သေသွားတော့
သူ့အရုပ်ကို အသက်မနှုတ်နိုင်တော့ဘဲ ဒီအတိုင်း
ကျန်သွားတာတဲ့ ကျောက်ခဲရေ"
"ဟင် ဒါတွေကို ကိုကြီးတာတေ ဘယ်လိုသိတာတုံးဗျ"
"ဟ မဖဲဝါပြောတာလေကွာ။အခု သူပြောတဲ့အတိုင်း
ငါ လုပ်လိုက်တာပဲ"
တင်မြင့်နဲ့ မိုးဦးကလည်း ဂဝံမျက်နှာဖုံးအရုပ်ကလေးကို
တစ်လှည့်စီ ကိုင်ကြည့်နေကြတယ်ဗျ။
မိုးမလင်းခင်ဘဲ ကျုပ်နဲ့ ကျောက်ခဲ မီးမွှေးပြီး
ဂဝံမျက်နှာဖုံးရုပ်ကလေးကို မီးရှို့ပြီး
ပြာချပစ်လိုက်ကြတယ်။
ကျုပ် အိမ်ပြန်ရောက်တော့ ဆရာတော့်ကျောင်းက
တုံးမောင်းတောင် ခေါက်နေပြီဗျို့။
