လူစားလဲသော ရေတွင်းပျက်ကြီး
" ကိုသက်ဇော် ကိုသက်ဇော် ဘယ်အချိန်ရှိပြီလဲထကြည့်အုံး အသေကောင်လိုအိပ်မနေနဲ့ "
ဇနီးသည်ထွေးထွေးမော်၏ကျယ်လောင်သောအသံကြောင့်သက်ဇော်မျက်လုံးကိုအားယူပြီးဖွင့်ကြည့်လိုက်ပြီးထရန်ကြိုးစားလိုက်သည် သို့သော်ခေါင်းကမိုက်ခနဲ့ဖြစ်သွားပြီးပြန်အိပ်ချလိုက်ရသည်။ ဤသည်ကိုထွေးထွေးမော်ကြည့်ပြီးဒေါသထွက်သွားသည်။
" ရှင်အခုထိမထသေးဘူးလား ဆိုက်ကားဘယ်အချိန်ထွက်မလဲ "
" မနေ့ကကပင်ပန်းထားလို့ထင်တယ်ခေါင်းကိုက်ပြီးကိုယ်လက်နာနေလို့မထနိုင်တာပါမိန်းမရာ "
မနေ့ကတစ်နေကုန်အပြင်ည၁၀နာရီထိလူရသဖြင့်မနားမနေဆိုက်ကားနင်းထားရသောကြောင့်သည်မနက်တော့ကိုယ်လက်ကိုက်ခဲပြီးသက်ဇော်နေမကောင်းချင်ဖြစ်နေလေသည်။
" အို အဲ့ဒါကျမမသိဘူး ရှင်အလုပ်မလုပ်ရင်ကျမဘာနဲ့သုံးမလဲ သားကလဲကျောင်းတက်ရတော့မှာ ပိုက်ဆံလိုတယ်ရှင်သိရဲ့လား "
" ကောင်းပါပြီကွာ ကောင်းပါပြီ "
ပြောရင်းအိပ်ယာမှအားယူထကာမျက်နှာသစ်ပြီးဆိုက်ကားယူကာဆိုက်ကားဂိတ်ဆီသို့နင်းထွက်လာလိုက်သည်။
ထွေးထွေးမော်အကြောင်းသူသိသည် သူသည်လိုမှထွက်မလာလျှင်ပူညံပူညံလုပ်လို့ဆုံးမည်မဟုတ်တော့ပေ။ရသမျှပိုက်ဆံကိုလဲသူ့ထံတစ်ပြားတစ်ကျပ်မှမချန်ပဲအကုန်အပ်သည် သို့ပေမယ့်လည်းထွေးထွေးမော်သုံး၍မလောက် ဤသည်ကိုသူအပြစ်မပြော ထွေးထွေးမော်ကသူမ၏မိဘအိမ်မှာနေတုန်းကပြည့်ပြည့်စုံစုံနေခဲ့ရသည်မို့အသုံးဖြုန်းကြီးသည် သူ့ထက်၅နှစ်ငယ်သောကြောင့်သူ့ကိုလဲအမြဲအနိုင်ယူသည်။
ဆိုက်ကားဂိတ်သို့ရောက်သောအခါဆိုက်ကားကိုဂိတ်ထိုးထားလိုက်သည်။ သက်ဇော်၏ဖြူ ဖပ်ဖြူ ရော်ဖြစ်နေသောမျက်နှာကိုဆိုက်ကားဂိတ်တွင်ထိုင်နေကြသောဘ၀တူသူငယ်ချင်းများကကြည့်ပြီး
" မင်းကိုကြည့်ရတာဖြူ ဖပ်ဖြူ ရော်နဲ့ နေမကောင်းဘူးလား "
" ဟုတ်တယ်ကွ မနေ့ကပင်ပန်းပြီးဖြစ်သွားတာပါ "
" ဒါနဲ့များအိမ်မှာမနေပဲဘာလို့ထွက်လာတာလဲ "
" ဘာလဲမင်းမိန်းမထွေးထွေးမော်ကြောင့်လား "
သူတို့အကြောင်းကိုအားလုံးကသိနေကြသည်။
" ဆိုပါတော့ကွာ "
" ဟူး မင်းအဖြစ်ကလဲမလွယ်ပါလား "
သက်ဇော်အားကြည့်ပြီးသူငယ်ချင်းတွေသက်ပြင်းချနေကြသည်။
" ဟော ဟိုမှာခရီးသည်လာပြီ မင်းသွားလိုက်သက်ဇော် တော်ကြာပိုက်ဆံမရရင်မင်းမိန်းမပူညံပူညံလုပ်နေအုံးမယ် "
" အေးကွာ ကျေးဇူးပဲသူငယ်ချင်း "
အလှည့်ကျသောသူကသက်ဇော်အားသူ့နေရာပေးလိုက်သဖြင့်သက်ဇော်လဲခရီးသည်သွားလိုရာသို့နင်း၍လိုက်ပို့ပေးလိုက်သည်။
နေမကောင်းပေမယ့်အားတင်းပြီးတနေကုန်ဆိုက်ကားနင်းကာမှောင်မှသာအိမ်သို့သက်ဇော်ပြန်လာလိုက်သည်။
ပြန်ရောက်သည်နှင့်ရသမျှပိုက်ဆံကိုဇနီးသည်အားအပ်လိုက်ပြီးရေချိုးရန်ခြံထဲရှိရေတွင်းဆီသို့ထွက်လာလိုက်သည် ရေတွင်းသို့မရောက်မီယခင်ကရေတွင်းဖြစ်ခဲ့သော ဘာအကြောင်းကြောင့်မသိရေမထွက်တော့သည်မှာနှစ်ပေါင်းများစွာကြာပြီဖြစ်သောရေတွင်းပျက်ကြီးနားအရောက်တွင်လူတစ်ယောက်ထိုရေတွင်းပျက်ကြီးဘေးတွင်ကျောပေး၍ငုတ်တုတ်ထိုင်နေသည်ကိုအမှောင်ထဲတွင်မသဲမကွဲသက်ဇော်တွေ့လိုက်ရပြီးတစ်ကိုယ်လုံးလဲကြက်သီးထသလိုခံစားလိုက်ရသည်။
ထို့ကြောင့်ဆက်မသွားတော့ပဲလှမ်းလက်စခြေလှမ်းကိုရပ်တန့်လိုက်သည် ထိုအခါထိုလူသည်သက်ဇော်ကိုမြင်သွားပြီးမတ်တပ်ထကာလက်ယက်ခေါ်လိုက်သဖြင့်စိတ်ထဲမသိုးမသန့်ခံစားလိုက်ရပြီးသက်ဇော်ရေမချိုးတော့ပဲအိမ်သို့ပြန်လာလိုက်သည်။ သက်ဇော်အိမ်ပေါ်သို့အမြန်ပြေးတက်လာသည်ကိုထွေးထွေးမော်မြင်သည်နှင့်
" ဘာဖြစ်ရတာလဲကိုသက်ဇော် ရေလဲမစိုဘူး ရေမချိုးရသေးဘူးလား "
" ဘာမှမဟုတ်ပါဘူး ငါအိပ်တော့မယ် "
ထိုသို့သာပြောပြီးအခန်းသို့ဝင်ကာအိပ်နေလိုက်သည် သို့ပေမယ့်သူ့အားလက်ယက်ခေါ်နေသောအမှောင်ထဲမှထိုလူရိပ်ကမျက်လုံးထဲတွင်မြင်ယောင်နေဆဲပင်။ တစ်အောက်အကြာတွင်တော့နေမကောင်းသည်ကတကြောင်း ပင်လဲပင်ပန်းထားသဖြင့်သက်ဇော်အိပ်ပျော်သွားတော့သည်။
" ရှပ် ရှပ် ရှပ် "
လူတစ်ဦးအိမ်ထဲ၌လမ်းလျောက်သည့်ခြေသံကြားသဖြင့်သက်ဇော်နိုးသွားပြီးမျက်လုံးဖွင့်ကြည့်လိုက်သည်။ ထိုအခါရွာထဲ၌သူတစ်ခါမှမမြင်ဖူးသောကြောက်မက်ဖွယ်မျက်နှာနှင့်လူကြီးတစ်ဦးသူ့ဘေးနားတွင်မတ်တပ်ရပ်နေသဖြင့်သက်ဇော်လန့်သွားပြီးအော်ရန်ပြင်လိုက်စဉ်ထိုလူကသက်ဇော်ပါးစပ်းကိုသူ့လက်ဖြင့်အုပ်လိုက်သည်။
" မင်းကိုပြောစရာရှိလို့လာတာ မင်းချမ်းသာချင်လား "
ထိုလူအမေးကိုသက်ဇော်ကြောက်ကြောက်နှင့်ခေါင်းညိတ်ပြလိုက်သည်။
" အဲ့ဒါဆိုရင်မင်းရဲ့ခြံထဲကရေတွင်းပျက်ကြီးထဲကိုဆင်းလာခဲ့ မင်းကိုရွှေတွေအများကြီးငါပေးမယ် "
ပြောပြီးတာနှင့်ထိုလူအိမ်ပေါ်ကပြန်ဆင်းသွားသည်။
" ဟင် ငါအိမ်မက်မက်နေတာလား "
သက်ဇော်အိပ်ယာမှရုတ်တရက်ထထိုင်ပြီးဇဝေဇ၀ါဖြစ်နေသည် စောစောကအိမ်မက်လိုလိုတစ်ကယ်လိုလိုနှင့်ထိုလူ၏ပုံရိပ်ကထင်ကျန်နေဆဲ ထိုလူစကားများကိုလဲထပ်တလဲလဲပြန်လည်ကြားယောင်နေမိသည်။
မနက်မိုးသာလင်းသွားခဲ့ပေမယ့်သက်ဇော်ပြန်လည်အိပ်မပျော်ခဲ့ချေ ။ ထို့ကြောင့်မျက်နှာသစ်လိုက်ပြီးသည်နှင့်ညကထူးဆန်းသောအိမ်မက်အကြောင်းကိုဇနီးဖြစ်သူထွေးထွေးမော်အားပြောပြလိုက်သည်။
" ဟင် ရှင့်ကိုလူတစ်ယောက်ကရွှေတွေပေးမယ်လို့အိမ်မက်တယ်ဟုတ်လား "
" ဟုတ်တယ်မိန်းမ တစ်ခါမှဒီလိုမမက်ဖူးဘူး ထူးဆန်းတယ်စိတ်ထဲမှာလဲတစ်မျိုးကြီး "
" ကျမကြားဖူးတာကဥစ္စာစောင့်တွေကတစ်ခါခါကျရင်လူတွေကိုအိမ်မက်ပေးပြီးသူတို့ရွှေတွေရှိတဲ့နေရာကိုပြပြီးတော့ပေးတတ်ကြတယ်တဲ့ အခုလဲရှင့်ကိုအဲ့လိုခေါ်ပေးတာဖြစ်မယ် အဲ့ဒါဆိုကျမတို့ချမ်းသာတော့မှာ ရှင်ဆင်းယူနော်ကိုသက်ဇော် "
ထွေးထွေးမော်မျက်လုံးထဲရွှေတွေကိုမြင်ယောင်ပြီးလောဘဇောတွေတက်နေလေသည်။
" ဟာ ငါဆင်းမရဲဘူး တော်ကြာလူစားလဲတာတို့ဘာတို့ဆိုဘယ်လိုလုပ်မလဲ တချို့တွေပြောတာကြားဖူးတယ်ဟ "
သက်ဇော်၏စကားကြောင့်ထွေးထွေးမော်မျက်နှာစူပုတ်သွားပြီး
" ရှင်ဟာလေချမ်းသာဖို့အခွင့်ရေးရတာတောင်လက်လွှတ်ခံချင်တဲ့ငတုံးပဲ ကျမနဲ့သားလေး ချမ်းချမ်းသာသာနေရတာရှင်မမြင်ချင်ဘူးလား မရဘူး ရှင်ဆင်းယူရမယ် "
ဇနီး၏စကားကိုမလွန်ဆန်ရဲသောသူ့အတွက် အိမ်မက်အကြောင်းပြောပြမိတာမှားပြီဟုစိတ်ထဲမှာပြောရင်းသက်ဇော်သက်ပြင်းချလိုက်သည်။
" အေးပါကွာ ငါဆင်းပါ့မယ် "
ထိုအခါမှထွေးထွေးမော်ပြုံးလာခဲ့သည် ထို့နောက်၂ယောက်သားရေတွင်းပျက်ကြီးဆီသွားကာရေပုံးတစ်လုံးကိုကြိုးရှည်ရှည်တစ်ချောင်းဖြင့်ချည်လိုက်ပြီးရေတွင်းထဲသို့ချလိုက်သည်။
" ငါဆင်းမယ်မိန်းမ တစ်ကယ်လို့အိမ်မက်ထဲကလူကြီးပြောသလိုရွှေတွေရှိခဲ့မယ်ဆိုရင်ရေပုံးထဲကိုငါထည့်ပေးမယ်မင်းဆွဲတင်လိုက် "
ပြောပြီးသက်ဇော်ရေတွင်းပျက်ကြီးထဲသို့ခက်ခက်ခဲခဲတွယ်ဆင်းလိုက်သည် အတန်ကြာဆင်းပြီးသောအခါရေတွင်းအောက်ခြေသို့ရောက်လာခဲ့သည် မှောင်ကလဲမှောင်နက်ကလဲနက်သဖြင့်သက်ဇော်အသက်ရှူ ကျပ်သည့်ဒဏ်ကိုစတင်ခံစားလာရသည်။
ထို့နောက်ဓာတ်မီးဖြင့်ဟိုထိုးဒီထိုးရှာလိုက်သောအခါထောင့်တစ်နေရာတွင်အရောင်တလက်လက်ထနေသောတစ်ဆယ်သားခန့်မျှရှိသောရွှေတုံး၃တုံးကိုတွေ့လိုက်ရသဖြင့်သက်ဇော်အားရ၀မ်းသာကောက်ယူကာရေပုံးထဲထည့်လိုက်ပြီးဆွဲတင်ရန်ထွေးထွေးမော်ကိုအချက်ပြလိုက်သည်။
ထွေးထွေးမော်လဲအားရ၀မ်းသာရေပုံးကိုဆွဲတင်လိုက်ပြီးရေပုံးအပေါ်သို့ရောက်သည်နှင့်သက်ဇော်လဲအပေါ်သို့ပြန်လည်တွယ်တက်လိုက်သည် ထိုစဉ်သူ့ခြေထောက်အားတစ်စုံတစ်ယောက်လာကိုင်သဖြင့်သက်ဇော်လန့်သွားပြီးအပေါ်ကိုအမြန်တက်ရန်ပြင်လိုက်စဉ်အောက်သို့ဆွဲချခံလိုက်ရသဖြင့်ပြုတ်ကျသွားတော့သည်။
ထိုသို့အကျတွင်ခေါင်းကအောက်စိုက်သွားသဖြင့်ဇတ်ချိုးခံရသကဲ့သို့ဖြစ်သွားပြီးဇတ်ကျိုးကာထိုနေရာမှာပဲသက်ဇော်ဆုံးသွားတော့သည်။ထိုနောက်ချက်ချင်းဆိုသလိုသက်ဇော်၏ခန္တာကိုယ်ထဲသို့နှစ်ပေါင်းများစွာထိုရေတွင်းကိုစောင့်နေသောသရဲတစ်ကောင်က၀င်သွားပြီးအပေါ်သို့လျှင်မြန်စွာကုတ်တက်လာလိုက်သည်။ ထွေးထွေးမော်ကတော့ရေပုံးထဲတွင်ပါလာသောရွှေတွေကိုကိုင်ပြီးဝမ်းသာအားရဖြစ်နေသည်။
" ဒီရွှေတွေကိုရောင်းလိုက်ရင်ငါလိုချင်တာတွေဝယ်လို့ရပြီ ပျော်လိုက်တာ "
ထိုစဉ်သက်ဇော်အပေါ်သို့ပြန်လည်ရောက်ရှိလာခဲ့သည်။
" ကိုသက်ဇော်ကြည့်ပါအုံးရွှေတွေအများကြီး ကျမပြောသားပဲဆင်းယူပါလို့ အခုဆိုကျမတို့သုံးဖို့စွဲဖို့မပူရတော့ဘူး "
ထွေးထွေးမော်ဝမ်းသာအားရပြောလိုက်သည်။ ၀ိဥာဉ်ဖြစ်သွားသောသက်ဇော်သည်သူ့ခန္တာကိုယ်ထဲသို့ဝင်ပြီးထွေးထွေးမော် အနားတွင်ရပ်နေသောသူအားကြည့်ပြီးအံ့ဩနေလေသည်။
" ဘာတွေဖြစ်ကုန်တာလဲ ငါကသေသွားပြီလား "
ထိုအခါအပ၀င်နေသောသက်ဇော်သည် ၀ိဥာဉ်ဖြစ်နေသောသက်ဇော်ကိုကြည့်ပြီးကျေနပ်စွာပြုံးလိုက်သည်။
..... သူငါ့ကိုမြင်နေရပါလား .....
"မိန်းမ အဲ့လူကငါမဟုတ်ဘူး ငါကဒီမှာ "
သက်ဇော်စကားကိုထွေးထွေးမော်မကြားရချေ။၊ထို့ကြောင့်ဝမ်းနည်းလာတော့သည်။
" ကိုသက်ဇော် ရှင်လဲပင်ပန်းနေရောပေါ့ နားလိုက်တော့နော် "
ရွှေတွေရပြီမို့ထွေးထွေးမော်စကားချိုနေလေသည် သက်ဇော်လဲခေါင်းညိတ်ပြလိုက်ပြီး၂ယောက်သားရွှေတွေယူကာအိမ်ထဲဝင်သွားတော့သည်။ ၀ိဥာဉ်ဖြစ်နေသောသက်ဇော်မှာတော့ဝမ်းပမ်းတနည်းမျက်ရည်ကျနေလေသည်။
" ရွှေတွေရပြီဆိုတော့နင်ပျော်နေတယ်မဟုတ်လား ငါကတော့နှစ်ပေါင်းများစွာဒီရေတွင်းပျက်ကြီးကိုစောင့်ရတော့မယ် ဒါပေမယ့်နင်ပျော်ရင်ငါကျေနပ်ပါတယ်မိန်းမရာ "
သက်ဇော်ထိုရေတွင်းပျက်ကြီးကိုစောင့်ရတော့မည် သည်ဘ၀ဘယ်အချိန်မှလွတ်မည်သူမသိ။
ထွေးထွေးမော်ရွှေတွေကိုရောင်းချကာစားချင်တာစား လိုချင်တာဝယ်နှင့်ပျော်ရွှင်နေတော့သည် သက်ဇော်လဲဆိုက်ကားမနင်းတော့ နေ့တိုင်းအစားကောင်းများစားလိုက်အိပ်လိုက်ဖြင့်ဇိမ်ခံနေလေသည်။
" ဖေဖေ သားကျောင်းကပြန်လာပြီ "
ဝမ်းသာအားရအိမ်ပေါ်ပြေးတက်လာရင်းဖခင်ဖြစ်သူကိုပြေးဖက်လိုက်သည်။
" သွားကွာ ရှုပ်တယ် "
သူ့အားပြေးဖက်လာသောသားကိုသက်ဇော်ဆောင့်တွန်းလိုက်သဖြင့်ကလေးမှာလဲကျသွားတော့သည်။ ဤသည်ကိုထွေးထွေးမော်မြင်သွားပြီးယခင်ကအရမ်းချစ် အရမ်းအလိုလိုက်ကာလက်ဖျားနဲ့ပင်မထိရက်သောသားကိုယခုမညှာမတာတွန်းထုတ်ရက်သောသက်ဇော်ကိုကြည့်ပြီးနားမလည်နိုင်ဖြစ်သွားရသည်။
" ကိုသက်ဇော် ကလေးကိုရှင်ဘယ်လိုလုပ်လိုက်တာလဲ "
" မင်းမြင်တဲ့အတိုင်းပဲ နောက်ခါငါ့အနားကလေးကိုမလာစေနဲ့ရှုပ်တယ် "
သူ့ကိုလေသံမာမာဖြင့်မပြောဖူးသောသက်ဇော်သည်ယခုလေသံကမာနေသဖြင့်ထွေးထွေးမော်ပို၍အံ့အားသင့်သွားသည်။
သက်ဇော်ယခင်ကနှင့်မတူပဲတစ်ခြားတစ်ယောက်လိုဖြစ်နေသည်ကိုသူသိလိုက်သည်။
" ရှင်ပြောင်းလဲနေတယ် ဘာလဲရှင်ကပိုက်ဆံရှိလာတော့ဖောက်ပြန်ချင်နေတာလား ဟင်းဟင်း ထွေးထွေးမော်ကိုအဲ့လိုအချိုးမျိုးချိုးလို့ဘယ်ရမလဲ ရှင်ကျမအကြောင်းသိပါတယ် "
" အေး မင်းအကြောင်းတော့ငါမသိဘူး ငါ့အကြောင်းတော့မင်းသိစေရမယ် ကဲကွာ နားပူအောင်လုပ်ချင်အုံး "
" ဖြန်း "
သက်ဇော်အားရပါးရရိုက်လိုက်သဖြင့်ထွေးထွေးမော်ဘယ်ဘက်ပါးတစ်ခြမ်းပူထူသွားတော့သည်။သက်ဇော်ကိုသူဘယ်လိုမှနားမလည်နိုင်တော့ ယခင်ကသူအနိုင်ယူထားသမျှ ယခုလက်စားပြန်ချေနေသည်ဟုပဲသတ်မှတ်လိုက်ပြီးငိုကာအခန်းထဲပြေးဝင်သွားတော့သည်။
သည်လိုနှင့်တစ်လခန့်ကြာလာခဲ့ပြီ သက်ဇော်သူနှင့်သားအပေါ်ဆက်ဆံရေးမှာယခင်သက်ဇော်နှင့်လားလားမျှမတူပဲတစ်နေ့တစ်နေ့ပိုဆိုးလာသည် သူစားချင်သည့်ဟင်းမချက်ပေးလျှင်ပန်းကန်တွေပစ်ခွဲသည် သူ့အားရိုက်နှက်သည် ကြာလာတော့ထွေးထွေးမော်မခံနိုင်တော့ပဲရင်ဖွင့်ရန်သူငယ်ချင်းဝေေ၀အိမ်သို့ထွက်လာခဲ့လိုက်သည်။ထို့နောက်ဝေေ၀အားသက်ဇော်ပြောင်းလဲသွားပုံကိုပြောပြလိုက်သည်။
" အရင်ကနင့်ယောက်ျားကအရမ်းရိုးသားပြီးအနေအေးတာလေဟာ အခုလိုဆိုရင်ပုံမှန်မဟုတ်တာသေချာတယ် ငါလဲသူ့ကိုမမြင်တာတစ်လလောက်ရှိပြီဟ "
" သူကအိမ်ထဲမှာပဲနေနေတာအပြင်လဲမထွက်ဘူးဟ သူပြောင်းလဲနေတယ် ငါ့ကိုလဲဆဲဆိုရိုက်နှက်တယ်ဟာ ငါစိတ်ညစ်နေပြီ "
" ဒီလိုလုပ်ဟာ သူဘာလို့ပြောင်းလဲနေတာလဲသိရအောင်ပရောဂကုတဲ့ဆရာဆီသွားပြီးမေးကြည့်ရအောင် "
" အေး အဲ့ဒါမဆိုးဘူး သွားကြမယ် "
ထို့နောက်၂ယောက်သားပရောဂကုသည့်ဆရာထံထွက်လာလိုက်ကြသည်။ ဆရာထံရောက်သည်နှင့်ဖြစ်ကြောင်းကုန်စင်ကိုပြောပြလိုက်သည်။ဆရာကခေါင်းဆက်ဆက်ညိတ်ပြီးနားထောင်နေပြီးနားထောင်နေလေသည်။
" သမီးပြောပုံအရဆိုရင်မူမမှန်တာသေချာပြီ သေချာသိရအောင်ဆရာကိုယ်တိုင်လိုက်ကြည့်မယ် "
" ဟုတ်ကဲ့ပါဆရာ "
ထွေးထွေးမော် ဝေေ၀နှင့်အတူပရောဂဆရာလိုက်လာခဲ့သည်။ထွေးထွေးမော်အိမ်ထဲစ၀င်သည်နှင့်အိမ်ထဲတွင်တစ်ခုခုမူမမှန်ဖြစ်နေသည်ကိုဆရာသိလိုက်သည်။ထို့နောက်အိမ်ပေါ်သို့တက်လာလိုက်သည်။ သက်ဇော်သည်ပရောဂဆရာအိမ်ပေါ်တက်လာသည်ကိုမြင်သည်နှင့်မျက်လုံးကြီးနီကာဒေါသတကြီးစိုက်ကြည့်နေလေသည်။
" ဘာလို့ငါ့အိမ်ထဲဝင်လာရတာလဲ ထွေးထွေးမော်နင်အခုဘာလုပ်နေတာလဲ ဧည့်သည်တွေလာတာငါမကြိုက်ဘူးဆိုတာနင်သိတယ်နော် "
သက်ဇော်ဒေါသတကြီးပြောလိုက်သဖြင့်ထွေးထွေးမော်ကြောက်နေလေသည်။
" ငါကဒီကိုကိစ္စတစ်ခုရှိလို့လာတာပါ အိမ်ရှင်ကမကြိုက်ဘူးဆိုရင်လဲအခုပဲပြန်ပါ့မယ် "
ပြောပြီးပရောဂဆရာကထွေးထွေးမော်နှင့်ဝေေ၀ကိုမျက်ရိပ်ပြကာအိမ်ပေါ်မှာ၃ယောက်စလုံးပြန်ဆင်းလာလိုက်သည်။
ခြံပြင်သို့ရောက်သည်နှင့်ဆရာကသူ့အိတ်ထဲမှမန်းကြိုးကိုထုတ်ပြီးထွေးထွေးမော်ကိုပေးလိုက်ပြီး
" ဒါကသရဲတစ္ဆေတွေကြောက်တဲ့မန်းကြိုးပါ ဒီမန်းကြိုးကိုသမီးရဲ့ယောက်ျားအိပ်နေတဲ့အချိန်သူမသိအောင်သူ့လည်ပင်းကိုဆွဲပေးလိုက်ပါ "
" ရှင် သမီးယောက်ျားကဘာဖြစ်နေလို့လဲဆရာ "
ထွေးထွေးမော်အံ့အားသင့်နေလေသည်။
" သူကသမီးယောက်ျားမဟုတ်တော့ဘူး သမီးယောက်ျားဆုံးတာတစ်လနီးပါးရှိနေပြီ သူ့ခန္တာကိုယ်ထဲကိုသရဲတစ်ကောင်ကအစားဝင်နေနေတာ "
" ရှင် "
ထွေးထွေးမော်ရောဝေေ၀ပါကြောက်လန့်သွားတော့သည်။
" ကဲ ဆရာပြောသလိုသာဒီညဖြစ်အောင်လုပ်ပါ မဟုတ်ရင်သမီးနဲ့သမီးရဲ့သားလေးအန္တရာယ်ရှိတယ် ဒါတင်မကဘူးတစ်ရွာလုံးအတွက်လဲအန္တရာယ်ရှိလာနိုင်တယ် "
" ဟုတ်ကဲ့ သမီးလုပ်ပါ့မယ်ဆရာ "
" အဲ့ဒါဆိုရင်တစ်ခါထဲအသုဘပြင်လို့ရအောင်ရွာကလူတွေကိုအသိပေးပြီးခြံပြင်ကနေဆရာစောင့်နေမယ် ဘာမှမကြောက်နဲ့ကြားလား "
" ဟုတ်ကဲ့ "
ထွေးထွေးမော်လဲကြောက်ကြောက်နှင့်အိမ်ထဲပြန်ဝင်လာပြီးငုတ်တုတ်လေးထိုင်ကာညရောက်သည်အထိရင်တထိတ်ထိတ်နှင့်ထိုင်စောင့်နေလိုက်သည်။သက်ဇော်ကတော့စားသောက်ပြီးစီးသည်နှင့်အိပ်ယာထဲဝင်ကာအိပ်နေလေသည်။ထွေးထွေးမော်ကတော့သားကိုသူမအနားတွင်ပေးအိပ်ထားလိုက်ပြီးသက်ဇော်အိပ်မောကျသည်အထိစောင့်နေလေသည် အတန်ကြာသောအခါသက်ဇော်ထံမှဟောက်သံထွက်လာသဖြင့်ထွေးထွေးမော်ခြေဖော့ပြီးသက်ဇော်အနားသို့သွားကာဆရာပေးထားသောမန်းကြိုးကိုသက်ဇော်၏လည်ပင်း၌စွပ်ထည့်လိုက်တော့သည်။
" အားး "
" မင်း မင်းဘာလုပ်တာလဲ သေချင်လို့လား အားး "
မန်းကြိုးစွပ်လိုက်သည်နှင့်သက်ဇော်နိုးသွားပြီး အော်ကာအိပ်ယာထဲတွင်လှိမ့်နေတော့သည်။
ထွေးထွေးမော်လဲကြောက်ကြောက်နှင့်အိပ်ပျော်နေသောသားလေးကိုပွေ့ချီလိုက်သည်။
" မင်းကိုငါသတ်မယ် အားး "
ပြောရင်းထွေးထွေးမော်ဆီသို့သက်ဇော်အိပ်လျှက်အားယူကာရွေ့လာခဲ့သည် ထိုအခါသက်ဇော်ထံမှပုတ်နံ့ထွက်လာပြီးအသားတွေရိကာအရည်တွေထွက်လာတော့သည်။
ထွေးထွေးမော်လဲကြောက်ကြောက်နှင့်ဘာလုပ်ရမည်မသိပဲသည်အတိုင်းသာကြည့်နေစဉ်ပရောဂဆရာနှင့်ရွာသားတစ်ချို့ရောက်လာခဲ့သည်။သက်ဇော်အိပ်လျှက်အားယူရွေ့လာရာမှ ထွေးထွေးမော်အနားသို့မရောက်မီမှာပင်ငြိမ်သက်သွားတော့သည်။
တစ်အိမ်လုံးလဲပုတ်စော်နံနေသဖြင့်အားလုံးနှာခေါင်းပိတ်ထားလိုက်ရသည်။ ထို့နောက်ပုတ်ပွရိရွဲနေသောသက်ဇော်၏ခန္တာကိုယ်ကိုအားလုံးကောက်သိမ်းကာမနက်သင်္ဂြိုရန်ပြင်ဆင်လိုက်ကြသည်။
ထွေးထွေးမော်ကတော့သူ့လောဘတွေအတွက်သက်ဇော်သေဆုံးခဲ့ရသည်ကိုအလွန်စိတ်မကောင်းဖြစ်ပြီးမျက်ရည်ကျကာနောင်တတွေတစ်ပွေ့တစ်ပိုက်ကြီးရနေလေတော့သည်။
ပြီးပါပြီ
(စာဖတ်သူအပေါင်းတို့ကိုကျေးဇူးတင်လျှက်)
